දෙමළ දේශපාලන පක්ෂ 10ක් එකතුව ‘දෙමළ ජාතික පෙරමුණ‘ නමින් අලුත් දේශපාලන පක්ෂයක් පිහිටුවා ගැනීමට සුළු දේශපාලන පක්ෂ නායකයෝ පිරිසක් සැරසෙති.
ප්‍රජාතන්ත්‍රවාදී දෙමළ ජනතා පෙරමුණේ නායක ප්‍රභා ගනේෂන්, ද්‍රවිඩ එක්සත් විමුක්ති පෙරමුණේ නායක ආනන්ද සංගරී, ඊපීඩීපී නායක ඩග්ලස් දේවානන්ද යන මහත්වරු මෙම පක්ෂය පිහිටුවීමට මූලික වී සිටිති.
බම්බලපිටියේ හෝටලයකදී අද (4) මූලික සාකච්ඡාවක් පැවතියේය.
ද්‍රවිඩ එක්සත් විමුක්ති පෙරමුණ, ප්‍රජාතන්ත්‍රවාදී ජනතා පෙරමුණ, ශ්‍රී ටෙලෝ (දෙමළ ඊළාම් විමුක්ති පෙරමුණ), දෙමළ ඊළාම් විමුක්ති සංවිධානය, ඊරෝස් (ඊළාම් විප්ලවාවාදී සමාජවාදී පක්ෂය), ඊළාම් විමුක්ති සංවිධානය, දෙමළ ජනතා පක්ෂය, විමුක්ති අරගල පක්ෂය, ජාතික හින්දු පූජක පක්ෂය, ප්‍රජාතාන්ත්‍රික ප්‍රතිසංස්කරණවාදී සංගමය හා ඊළාම් ජනතා ප්‍රජාතන්ත්‍රවාදී පක්ෂය එම පක්ෂ වේ.
