(ආරියරත්න රණබාහු,යොහාන් භාසුර, නිමල කොඩිතුවක්කු සහ අංජුල මහීක වීරරත්න)

ලබන21 සෙනසුරාදා පැවැත්වෙන ජනාධිපතිවරණය සඳහා ඉදිරිපත් වි සිටින ස්වාධීන අපේක්ෂක ජනාධිපති රනිල් වික්‍රමසිංහ , සමගි ජන සන්ධානයේ අපේක්ෂක විපක්ෂ නායක සජිත් ප්‍රේමදාස ජාතික ජනබලවේගයේ අපේක්ෂක එම පක්ෂයේ නායක පාර්ලිමේන්තු මන්ත්‍රී අනුර කුමාර දිසානායක යන මහත්වරුන්ගේ ජනාධිපති සටනේ අවසන් මහජන රැලි11ක් අද (18) සවස පැවැත්විමට නියමිතය .

ඒ අනුව ස්වාධීන අපේක්ෂක ජනාධිපති රනිල් වික්‍රමසිංහ මහතා සහභාගී වන ප්‍රථම ජන රැළිය මාතරදි පැවැත්වේ. අනතුරුව ගාල්ල කළුතර හෝමාගම සහ මැද කොළඹ දි පැවත්වෙන රැලිවලට ද ජනාධිපති වරයා සහභාගි වේ'

මෙහිදී මරදානේදි පැවැත්වෙන මැද කොළඹ ජන රැලියෙන් ඒ මහතාගේ ප්‍රචාරක රැස්වීම් මාලාව අවසන් කෙරේ.

විපක්ෂ නායක සජිත් ප්‍රේමදාස මහතා සහභාගී වන ප්‍රධාන ජන රැලි තුනක් ගාල්ල බේරුවල සහ මැද කොළඹදී පැවැත්වෙන අතර අවසන් රැලිය මැද කොළඹදී පැවැත්වීමට කටයුතු සංවිධානය කර ඇත.

ජාතික ජන බලවේගයේ ජනාධිපති අපේක්ෂක පාර්ලිමේන්තු මන්ත්‍රී ආණ්ඩු කුමාර දිසානායක මහතා සහභාගි වන අවසන් ප්‍රධාන රැලි බස්නාහිර පළාත මූලික කොට ගෙන සංවිධානය කර තිබේ.

ඒ අනුව කළුතර ගම්පහ සහ නුගේගොඩදී එම රැස්වීම් පැවැත්වේ එම රැස්වීම් මාලාවේ අවසාන රැස්වීම නුගේගොඩ ආනන්ද සමරකෝන් එළිමහන් රඟහලේදි පැවැත්විමට නියමිතය.

ශ්‍රී ලංකා පොදුජන පෙරමුණේ ජනාධිපති ධූර අපේක්‍ෂක පාර්ලිමේන්තු මන්ත්‍රී නාමල් රාජපක්‍ෂ මහතා  හෙට (18) ප්‍රධාන ප්‍රචාරක රැළි තුනකට සහභාගි වීමට නියමිතය.

එම රැළි තිස්සමහාරාම නගරයේදී පෙරවරු 10.00 ට ද, මතුගම නගරයේදී පස්වරු 2.00 ට ද, පිළියන්දළ නරගයේදී පස්වරු 5.00 ට ද, අද පැවැත්වේ.