(සුජිත් හේවාජුලිගේ )
බොහෝ හිටපු ජනපතිවරුන්ගේ ආරක්ෂකයන් ඔවුන්ගේ ගෙදර දොරේ වැඩටත් යොදවාගෙන සිටින බව මහජන ආරක්ෂක අමාත්‍යාංශය කළ විමර්ශනයකදී තොරතුරු හෙළිවී ඇත.
එය එම පොලිස් නිලධාරීන්ට කරන අපහාසයක් බව මහජන ආරක්ෂක අමාත්‍ය විජිත හෙරත් මහතා පැවසීය.
සමහර හිටපු ජනපතිවරුන් ආරක්ෂකයන් එකසිය හැට තුනක් ඉල්ලා ඇති බව පැවසූ අමාත්‍යවරයා මෙම ප්‍රමාණ මේ රටේ ජනතාවට දරාගත නොහැකි බවද සඳහන් කළේය.
හිටපු ජනාධිපතිවරුන්ට පොලිසියේ එකසිය ගණන් අවශ්‍ය නැතැයිද හෙතෙම පැවසීය
අපිට ඒද බීද සීද කියලා වෙනසක් නැහැ. හැමෝට එක විදියටම සලකනවා යැයි අමාත්‍යවරයා පැවසීය.
හිටපු ජනාධිපතිවරුන්ගේ ඇමතිවරුන්ගේ සහ මන්ත්‍රීවරුන්ගේ පහසුකම් සොයා බැලීමට දැනටමත් කමිටුවක් පත්කර ඇති බව පැවසූ අමාත්‍යවරයා එම කමිටුවේ නිර්දේශ අනුව ඉදිරි ක්‍රියාමාර්ග ගන්නා බවද සඳහන් කළේය.
