කොළඹ කොටුවේ ලංකා බැංකු ගොඩනැගිල්ලේ සිට පැරෂුටයකින් පනිමින් සිටි ඇමරිකා ජාතිකයකු ගේ පැරෂුටය ජනාධිපති මාවතේ පොල් ගසක හිරවී තිබියදී කොළඹ ගිනි නිවන හමුදාව ඔහු බේරාගත්තේය.
ඔහුගේ පැරෂුටය මුලින් විදුලි කුළුනකද හිරවී ඇතැයි කියති.
මීට දින කිහිපයකට පෙර කොළඹ ලෝක වෙළඳ මධ්‍යස්ථානයේ සිට පැරෂුටයකින් පනිමින් සිටි ඕස්ට්‍රේලියා ජාතිකයෙක් හිල්ටන් හෝටලයේ රථගාලට වැටී තුවාල ලැබීය.
ඇමරිකා ජාතිකයාට බාහිර තුවාල කිසිවක් නැතැයි දැනගන්නට ඇත.
