විද්‍යා තාක්ෂණ හා පර්යේෂණ රාජ්‍ය අමාත්‍යවරයා ලෙස ලක්ෂමන් සෙනවිරත්න මහතා ද, විදේශ රැකියා නියෝජ්‍ය ඇමැතිවරයා ලෙස මනූෂ නානායක්කාර මහතා ද, වයඹ සංවර්ධන හා සංස්කෘතික නියෝජ්‍ය ඇමැතිවරයා ලෙස පාලිත තෙවරප්පෙරුම මහතා ද මෛත්‍රීපාල සිරිසේන ජනපති ඉදිරියේ දිවුරුම් දුන්හ.
මනූෂ නානායක්කාර මහතා මුල් වරට පාර්ලිමේන්තුවට තේරී පත්වූයේ එක්සත් ජාතික පක්ෂයෙන් ය. මහින්ද රාජපක්ෂ මහතා ජනපති සමයේ ඔහු එම ආණ්ඩුට එක් විය.
ලක්ෂමන් සෙවිරත්න මහතා ද එක්සත් ජාතික පක්ෂ මන්ත්‍රීවරයකු ලෙස කටයුතු කළ අතර පසුව මහින්ද රාජපක්ෂ හිටපු ජනපතිගේ ආණ්ඩුවට එක්වී එම රජයේ සීනි කර්මාන්ත ඇමැති ලෙස කටයුතු කළේය.
පාලිත තෙවරප්පෙරුම මහතා එක්සත් ජාතික පක්ෂ පාර්ලිමේන්තු මන්ත්‍රීවරයෙකි.
නව පත්කිරීම් සමඟ නියෝජ්‍ය ඇමැතිවරුන් ගණන 25 දක්වා ද, රාජ්‍ය ඇමැතිවරුන් ගණන 20 දක්වා ද ඉහළ ගියේය.
