නව දිල්ලියේ ශ්‍රී ලංකා කොමසාරිස් ඇසල වීරකෝන් මහතා නව විදේශ ලේකම් වරයා වීමට ඉඩ ඇතැයි රජයේ ආරංචි කියයි.
විදේශ ලේකම් චිත්‍රාංගනී වාගීශ්වර මහත්මිය මැයි 30 වැනිදා විශ්‍රාම ගැනීමට නියමිතය. ඇය නව දිල්ලියේ ශ්‍රී ලංකා මහ කොමසාරිස් ලෙස පත් කිරීමට නියමිත බව දැනගන්නට ඇත.
වාගීශ්වර මහත්මියට ජ්‍යෙෂ්ටත්වයෙන් අඩු විදේශ සේවා නිලධරයන් දෙදෙනෙකුගෙන් එක් අයෙකුට විදේශ තානාපති සේවයක් ලැබීමට යයි. අනෙක් නිලධරයා විදේශ අමාත්‍යංශයේ සිටිනු ඇතැයි කියති.
ඉදිරි දින වලදී විදේශ අමාත්‍යංශ කාඩ් කුට්ටම අනනු ඇතැයි ද තවත් තුරුම්පු එළියට එනු ඇතැයි ද කියති.
