ත්‍රීකුණාමලයේ ඉදි කිරිමට නියමිත ඉන්දියා තාප විදුලි බලාගාරය සදහා ඉඩම් අක්කර 818 ක් දීමට රජය පියවර ගනිතියි දෙමළ ජාතික සන්ධානය තරයේම විරුද්ධ වන බව ආර්.සම්බන්ධන් විපක්ෂ නායක යාපනය කෝපායිහි පැවති මාධ්‍ය හමුවක දී පැවසීය.
සාම්පූර් පළාතෙන් මහජනයාට අහිමි වූ ඉඩම් පමණක් නොව රජය මහජනතාවගෙන් අත්පත් කරගත් ඉඩම් සියල්ලම රජය සමග සාකච්ඡා කොට ආපසු ලබාගැනීමට කටයුතු යොදන බව ද ඔහු කීවේය.
උතුරු නැගෙනහිර පළාත්හි ඉඩම් රජයේ අවශ්‍යතාවයන්ට ලබාගැනීමේදී සෑම රජයක්ම අත්තනෝමතිකව මෙතෙක් කටයුතු කොට ඇති බව කී සම්බන්ධන් මහතා මේ හිතුවක්කාර තත්ත්වය නතර කිරීමට වහාම පියවර ගතයුතු කාලය එළඹ ඇතැයිද කීවේය.
