යාපනය පේදුරුතුඩුව මුහුදු තීරයේ ධීවර යාත්‍රාවක තිබූ ඉන්දියාවට අයත් බව කියන යතුරුපැදියක් සමග ධීවරයින් සිව් දෙනකු අත්අඩංගුවට ගත් බව වැල්වැටිතුරෙයි පොලීසිය කියයි.
එම ධීවර යාත්‍රාවේ කේරල ගංජා ඇති බවට ලද තොරතුරකට අනුව පොලිස් නිලධාරීන් යාත්‍රාව වටලා සෝදිසි කිරීමේදී කේරල ගංජා එහි නොතිබුණ ද ඉන්දියාවේ යතුරුපැදියක් එහි තිබියදී හමු වී ඇත.
යතුරුපැදිය කුමන හේතුවකට ගෙන එන්නට ඇත්දැයි වැඩිදුර පරික්ෂණ සිදුකරන අතර අත්අඩංගුවට ගත් ධීවරයින් පිරිස අධිකරණයට ඉදිරිපත් කිරීමට නියමිතය.
