ඉන්දුනීසියාවේ ආපන ශාලාවක පාරිභෝගිකයන් සඳහා වැසිකිළි බඳුන්වල ආහාර පිළිගැන්වීමේ අලුත් තේමාවක් හඳුන්වා දී ඇත.
සෙමරන්ග් හි ජම්බාන් ආපන ශාලාවේ එසේ සිය පාරිභෝගිකයන් සඳහා කුඩා වැසිකිළි බඳුන්වල හොදි, සුප්, කොක්ටේල් ආදිය දමා ඒවා මේස මත තබා උණුසුම් ලෙස පිළිගැන්වේ. ආහාර ගැනීම සඳහා අමුත්තන්ට මේස වටා වාඩිවීමට තබා ඇත්තේ ද වැසිකිළි පෝච්චිය. සිත්ගන්නාසුලු පුටු ආකාරයට ඒවා සකසා ඇත.
එම ආපන ශාලාව විශාල මුදලක් ගෙවා කලින් වෙන් කරගත් සුළු පිරිසක් පමණක් සඳහා වෙන්කර ඇතැයි ද කියති.
ආපන ශාලාවේ හිමිකරු බුඩි ලක්සෝනෝ උත්සාහ කරනුයේ සනීපාරක්ෂාව හා වැසිකිළි පාවිච්චි කිරීමේ වටිනාකම කියා දීමට බව පවසා ඇත. ඉන්දුනීසියාවේ වැසියන් ඉහළ දරිද්‍රතාවයකින් පෙළෙන අතර බොහෝ පිරිසක් එළිමහනේ මළ පහ කිරීමට පුරුදුව සිටිති.
ඉස්ලාම් ආගමික නායකයන් පවසන්නේ එම ආපන ශාලාව නුසුදුසු හා ඉස්ලාම් නීතියට පටහැනි එකක් බවයි. එහි ඇති ආහාර පාන ඉතා පිරිසිදු තත්ත්වයේ ඒවා බව ආපන ශාලා හිමිකරු පවසයි.
