පිට පළාත්වලින් පැමිණි සිසුන් පිරිසකට නාත්තන්ඩිය කොට්ටරාමුල්ල අල්හිරා මහ විදුහලේ සිසුන් ලෙස මෙවර අපොස උසස් පෙළ විභාගයට පෙනී සිටිමට ඉඩ සලසා දුන් බව කියන එම පාසැලේ විදුහල්පතිවරයාගේ වැඩ තහනම් කළ බව වයඹ පළාත් අධ්‍යාපන අධ්‍යක්ෂ එච් ඩී තිලකරත්න මහතා කියයි.
විභාග කොමසාරිස් ජනරාල් ඩබ් එම් එන් ජේ පුෂ්පකුමාර මහතා කීවේ එම විදුහල්පති විභාග රාජකාරිවලින් ද ඉවත් කළ බවයි. ඔහුගේ වැඩ තහනම් කිරීමට පළාත් අධ්‍යක්ෂට නිර්දේශ කළ බව ද ඔහු කීවේය.
පහසුකම් අඩු පළාත්වල ළමයින් විශ්ව විද්‍යාලයයට බඳවා ගනිද්දී එසෙඩ් අගය අඩුවෙන් බලන බැවින් එම වරප්‍රසාදය ලබා ගැනීමේ අරමුණින් කොළඹ ආදී ප්‍රදේශවල ඇතැම් සිසුහු දුර පළාත්වලින් විභාගයට පෙනී සිටිති.
