මනෝ භ්‍රමිත මත්ද්‍රව්‍ය ලෙස සැලකෙන මීතයිල්නෙඩියොක්සි-මෙතන්පෙතමයින් (එම්ඩීඑම්ඒ), ලිසර්ජික් ඇසිඩ් ඩයතලමයිඩ් පෙති 200ක් පමණ කොළඹ රාත්‍රී සමාජ ශාලාවකින් අත්අඩංගුවට ගත් පොලිසිය පෙත්තක් රුපියල් 2500 හා 3500 ගණනේ අලෙවි කළැයි කියන තිදෙනෙක් ද පොලිස් මත්ද්‍රව්‍ය කාර්යංශයෙන් අත්අඩංගුවට ගනු ලැබූහ.
කොළඹ ප්‍රධාන පෙළේ රෙදි සාප්පුවක හිමිකරු බව කියන දේශපාලන සම්බන්ධකම් ඇති පුද්ගලයෙක් ද කොළඹ ජාත්‍යන්තර පාසලක සිසුවෙක් ද අත්අඩංගුවට ගත් තිදෙනා අතර වෙති.
පාපන්දු පුහුණුකරුවකු බව කියන පුද්ගලයෙක් ද රාත්‍රී සමාජ ශාලා නර්තන ශිල්පීන් දෙදෙනෙක් ද අත්අඩංගුවට ගෙන මුදාහළ බව පොලිසිය කියයි.
මෙම මත්පෙති භාවිත කරන්නන්ගේ මනස විකෘති වී නොයෙකුත් විකාර කරන්නන් බවට පත්වෙතියි වෛද්‍යවරු කියති. මොළයටද ඒවායින් දැඩි හානි සිදුවන බව කියති.
