පොල්හේන්ගොඩ ඇලන් මැතිනියාරාමයේ උඩුවේ ධම්මාලෝක හිමියනට දැඩි කොන්දේසි මත ඇප මත මුදාහරින ලෙස කොළඹ අතිරේක මහේස්ත්‍රාත් නිශාන්ත පීරිස් මහතා නියෝග කළේය.
රුපියල් ලක්ෂ 60 බැගින්වූ ශරීර ඇප තුනක් මත ඒ හිමියන් මුදාහරින ලෙසත් ඔවුන්ගේ පදිංචිය සනාථ කරන ලෙසත් සාක්කිකරුවනට බලපෑම් නොකරන ලෙසත් ධම්මාලෝක හිමියනට නියෝග කැර ඇත.
සාක්කිකරුවන්ගේ වත්කම් සහතික ඉදිරිපත් කරන ලෙසද නියෝග කැරිණි.
ඇප ගැනීම සඳහා ධම්මාලෝක හිමියෝ මහර බන්ධනාගාරයේ සිටි උසාවියට ගෙන එනු ලැබූහ. තමන් වහන්සේ කිසිදාක බොරු නොකරන බවත් කිසිවෙකු සමග අමනාප නැති බවත් අලි පැටවුන් අල්ලා ගැනීමට අලි අම්මලා මරා දැමීමට විරුද්ධ බවත් ඒ හිමියෝ කීහ.
