ලංකා විදුලි බල මණ්ඩලය කැළණි ගඟ හරස්කර මෙගාවොට් 150 විදුලිය උත්පාදනය කිරීමේ අපේක්ෂාවෙන් ගිනිගත්හේන පොල්පිටියේ ආරම්භ කර ඇති බෝර්ඩ්ලන්ඩ් ජල විදුලි බලාගාර ව්‍යාපෘති අධ්‍යක්‍ෂක ආචාර්ය කමල් ලක්සිරිට හා එම ව්‍යාපෘතිය කොන්ත්‍රාත්තුව ඇති චින සමාගමේ ප්‍රධාන ඉංජිනේරුවාට හැටන් දිසා විනිසුරු හා මහේස්ත්‍රාත් ප්‍රසාද් ලියනගේ මහතා අද (25) අතුරු තහනම් නියෝගයක් නිකුත් කළේය.
එම ව්‍යාපෘතියේ ඉදිකිරිම් සිදුකිරිමේදී ප්‍රමිතියෙන් තොර ගල් බෝර දැමිම නිසා තමන්ට දැඩි හිරිහැර සිදුවන බව පවසමින් පොල්පිටිය වැසියන් ගිනිගත්හේන පොලිසියට කරන ලද පැමිණිලි ගණනාවක් මත අංක බී 424/ 216 මහජන පිඩා පනත යටතේ මහේස්ත්‍රාත් අධිකරණයේ නඩු පවරා තිබුණි.
පැමිණිල්ලේ නීතිඥයන් අධිකරණය හමුවේ ඉදිරිපත් කළ කරුණු සහ පැමිණිල්ලේ සාක්කි සලකා බැලූ මහේස්ත්‍රාත් මින් ඉදිරියට එම ව්‍යාපෘතියේ ගල් බෝර දමා පිපිරිම් කිරිමේදී පුර්ව දැනුම්දීම් සිදු කිරිම සහ භූ විද්‍යා හා පතල් කාර්යංශයේ නිලධාරියකුගේ අධික්‍ෂණය යටතේ කරන ලෙස නියෝග කරමින් මහේස්ත්‍රාත් මේ අතුරු තහනම නිකුත් කළේය.
නඩුව මැයි 2 වැනි දිනට කල් තැබූ මහේස්ත්‍රාත්වරයා වගඋත්තරකරුවන්ට එදින අධිකරණය හමුවේ පෙනි සිටින ලෙසත් මෙම කොන්දේසි සහිත ආඥාව අවලංගු කර ගැනිම හෝ වෙනස් කර ගැනිම පිණිස කරුණු දැක්විමට අවශ්‍ය නම් එදිනට එකි කරුණු ඉදිරිපත් කරන ලෙසත් වගඋත්තරකාර පාර්ශවයට නියෝග කළේය.
