අධිකරණයේ දුරකථනයෙන් ඇමතුමක් ගත්තා යැයි හිටපු වලල්ලාවිට ප්‍රාදේශිය සභාපති අතුකෝරලගේ දෝන උදේනි ප්‍රියංගට අද (29) කොළඹ ප්‍රධාන මහේස්ත්‍රාත් ගිහාන් පිලපිටිය මහතා තරයේ අවාවද කළේය.
වලල්ලාවිට ප්‍රාදේශිය සභාවට අයත් මාර්ගයක බර වාහන වලින් වැලි ප්‍රවාහනය කිරිමට අවසර දිමට ලක්ෂ පහක මුදලක අල්ලස් ඉල්ලු බව කියන නඩුවට පෙනී සිටිමට හිටපු සභාපතිවරයා අධිකරණයේ පෙනී සිටියේය.
අධිකරණ කටයුතු පැවැති අතරවාරයේ දුරකථනයෙන් කථා කරමින් සිටිනු දුටු මහේස්ත්‍රාත් ඔහුට අවවාද කළේය. එහිදී හිටපු සභාපති කියා සිටියේ ඔහු දුරකථන ඇමැතුමක් නොගත් බවත් ඔහුට ඇමැතුමක් ලැබුණූ බවයි. මේ පිළිබඳ සැකකරුගේ දුරකථනය පරික්ෂා කර වාර්තාවක් නිකුත් කරන ලෙස පොලිසියට නියෝග කළේය.
සැකකරු පවසන්නේ බොරුවක් නම් ඔහුට අදාල අල්ලස් නඩුවේ ඇප අවලංගු කරන බව මහේස්ත්‍රාත්වරයා ප්‍රකාශ කළේය.
අධීකරණ පොලිස් මුර පොළ මගින් අධිකරණයට අපහාස කිරිම යටතේ බී වාර්තාවක් ඉදිරිපත් කළේය.
සැකකරු අධිකරණය වෙත ඉදිරිපත් කළ බවත් රුපියල් දහසක රජයේ ගාස්තුවක් ගෙවන ලෙස මහේස්ත්‍රාත් නියෝග කළේය.
