ගිහි ජීවිතයේ අනිත්‍ය තේරුම් ගෙන නිවන මගට පිවිස පැවිදි දිවියට ඇතුළත්වූ එකම පුවලේ පියා,මව,දුව සහ පුතා ඇතුළු පවුලේ ඥාතීන් 8 දෙනකු නෙඵම්දෙණිය ගෝතම විහාරස්ථානයේ පැවැති උපසම්පදා උත්සවයකට පැමිණ සිටියහ.

පිළිමතලාව අස්වැද්දුම ගමේ සිටි ඔවුහු ගිහි ජීවිතයේ කම් සැප විඳිමින් සිටිම අනිත්‍ය බව තේරුම් ගෙන පැවිදි බව ලබා ඇත. එම පවුලේ පියාවූ වත්මනෙහි වලල්ගොඩ චන්දරතන හිමියෝ 2003 අගෝස්තු මස 8 වැනිදා නෙළුම්දෙණිය ගෝතම විහාරස්ථානයේ විහාරාධිපති වු ගලතර පඤ්ඤානන්ද හිමියන් හමුවේ පැවිදි දිවිට පත් වුහ. චන්දරතන හිමියෝ මේ වනවිට කළුතර උග්ගල්බඩ ඉසිපතණාරාම ආරන්‍ය සේනා‍සනාධිපති ලෙස වැඩ වාසය කරති.

සිය සහෝදරියන් දෙදෙනෙක්ද පැවිදි  දිවියට ඇතුළත් වු බව ඒ හිමියෝ කියති. මේ අතර වැඩිමහල් සහෝදරියගේ ස්වාමියාද, වැඩිමහල් සහෝදරයාගේ දියණියද පැවිදි දිවියට එළැඹුණු බවත් එකම පවුලේ සාමාජිකයන් 8 දෙනෙකුට ද තවත් 150 ට ආසන්න හිමිවරුන්ටද මෙහෙණිවරුන් 100 ට ආසන්න ප්‍රමාණයකටද ඒ හිමියෝ උපාද්‍යානන් වහන්සේ ලෙස කටයුතු කළහ.

මේ වන විට ඉසිපතණ ආරණ්‍ය සේනාසනයේ හා නෙඵුම්දෙණිය ගෝතම විහාරස්ථානයේ විහාරාධිපති අස්වැද්දුමේ කමලශිල හිමියෝද එම පවුලේ සාමාජිකයෙකි.  තම පියා සහ මලණුවන් පැවිදි ජීවිතයට ඇතුළත් වි බුදුන් දෙසු ධර්මය තුළින් ශාසනයට කළ සේවය වටහා ගත් අස්වැද්දුමේ කමලසීල හිමියන්ගේ සහෝදරියද අස්වැද්දුමේ සුදේශිකා නමින් මෙහෙණි ශාසනයට ඇතුළත් වූවාය.