එක්සත් ජාතික පක්ෂයේ නව තනතුරු කිහිපයක් නවකයනට අද හිමිවිය. පක්ෂ මූලස්ථානයේ පැවැති කෘත්‍යාධිකාරී මණ්ඩල රැස්වීමේදී අලුත් මුහුණු රැසකටම පත්වීම් ලැබිණි.
එක්සත් ජාතික පක්ෂයේ ජ්‍යෙෂ්ඨ නියෝජ්‍ය සභාපති ලෙස අමාත්‍ය දයා ගමගේ මහතා පත් කැරිණි.
අධ්‍යාපන ඇමැති අකිල විරාජ් කාරියවසම් මහතා ජාතික සේවක සංගමයේ සභාපති ලෙසද පාර්ලිමේන්තු මන්ත්‍රී කාවින්ද ජයවර්ධන මහතා ජාතික යොවුන් පෙරමුණෞ සභාපති ලෙසද පත්වීම් ලදහ.
ලක් වනිතා පෙරමුණේ සභාපතිනිය වූයේ නියෝජ්‍ය ඇමැතිනී අනෝමා ගමගේ මහත්මියයි. එජාප ජාතික සංවිධායක ධූරය අහෝසි කිරීමට කෘත්‍යාධිකාරී මණ්ඩලය තීරණය කළේය.
