පසුගිය වසර ඇතුළුව වසර පහක කාලයක් මාර්තු 28 වැනිදා එනම් අද දින එක්සත් ජාතින්ගේ මානව හිමිකම් කොමිසමේ විදුලි පුටු ගැන කථා කළ සමහරුන්ට මේ අවුරුද්දේ ඒ ගැන අමතක වී ඇතැයි ජනාධිපති මෛත්‍රිපාල සිරිසේන මහතා නාරම්මල මැදි විදුහලේ වාර්ෂික ත්‍යාග ප්‍රදානයේ දී පැවසීය.
රණවිරුවන් ජාත්‍යන්තර අධිකරණයට ගෙන යාම වැලැක්විමට රජය සහ යහපාලන ආණ්ඩුව ගැන ජනතාව සතුටු විය යුතු බව ඔහු කිවේය.
2009 වසරේ යුදධයේ අවසන් භාගයේ දී ශ්‍රී ලංකාවේ මානව හිමිකම් කඩ වු බවට රට රට වලින් නැගෙන චෝදනා මැද්දේ හිටපු ජනපති විදුලි පුටු ගැන කථා බොහෝ විට ඇසුණූ බවත් ඔහුට අනුකම්පාව දිනා ගැනීමට එදා එවැනි කථා ඇසුනත් නව රජය බලයට පත්වීමෙන් පසු දේශිය හා අන්තර්ජාතික වශයෙන් ගත් ක්‍රියාමාර්ග නිසා එවැනි කථා දැන් අසන්නට නැති බවත් ජනපති කීවේය.
එදා රජය සමග බොහෝ රටවල් අමනාප විය.නමුත් අද බොහෝ රටවල් රජය සමඟ මිත්‍රය. රණවිරුවන් ජාත්‍යන්තර යුද අධිකරණයට ගෙන යන බව එදා කෑකෝ ගැසුවා.යහපාලන රජය යටතේ එම කෑ ගැහිල්ලත් අද නැතැයි ඔහු පැවසීය.
