‘ආණ්ඩුව දැන් කියනවා එෆ්සීඅයිඩිය අහෝසි කරන්න කියලා. ඒත් අපි කියන්නේ එෆ්සීඅයිඩිය අහෝසි කරන්න එපා කියලයි. අපිටත් ඉදිරි කාලයේ එෆ්සීඅයිඩී එකෙන් ප්‍රයෝජන ගන්න තියෙනවා.‘ යයි එක්සත් ජනතා නිදහස් සන්ධාන පාර්ලිමේන්තු මන්ත්‍රී මහින්ද යාපා අබේවර්ධන මහතා බත්තරමුල්ල නෙළුම් මාවතේ පිහිටි මහින්ද රාජපක්ෂ සම්බන්ධීකරණ කායර්ලයයේ අද පැවැති ප්‍රවෘත්ති සාකච්ඡාවක දී කීවේය.
‘‘අපේ ආණ්ඩුවක් යටතේ අපිට කවදා හරි කීයට හරි එෆ්සීඅයිඩියට ගේන්න කට්ටිය ඉන්නවා. මේ ආණ්ඩුවේ මහ බැංකු අධිපතිවරයා, මුදල් අමාත්‍යංශයේ ලේකම්වරයා, ආරක්ෂක ලේකම්වරයා කවදා හරි එෆ්සීඅයිඩියට ගේන්න ඕනි. ඉදිරි කාලයේ එෆ්සීඅයිඩියට ගේන්න අවශ්‍ය පුද්ගලයන් ගැනත් අපි දැන් තොරතුරු එකතු කරමින් ඉන්නවා. එදාට දැන් තියෙන නීති මදි නම් අපි නීති හදලා හරි මේ පුද්ගලයන් එෆ්සීඅයිඩියට ගේනවා.‘‘ යැයි ද ඔහු මෙහිදී පැවසීය.
