එළැඹෙන මැතිවරණයේදී ඕස්ට්‍රේලියාවේ සෙනෙට් උත්තර මන්ත්‍රී මණ්ඩලයට ශ්‍රී ලංකාවේ ජගත් බණ්ඩාර නම් කර ඇත.
ඕස්ට්‍රේලියාවේ නිව්සවුත්වේල්ස් හි කම්කරු පක්ෂයේ නියෝජිතයකු ලෙස ඔහුට එම අවස්ථාව හිමිවී ඇති බව කියති.
එම පක්ෂයේ සෙනෙට් මන්ත්‍රී ධූරයක් සඳහා නම් කැරුණු එකම ශ්‍රී ලාංකිකයා ලෙස ඔහු ඉතිහාසගත වෙයි.
මාධ්‍ය වෙත අදහස් දක්වමින් ජගත් බණ්ඩාර සඳහන් කරනුයේ ඔහු ඕස්ට්‍රේලියාවට පා තැබූ දිනයේ සිට වෙහෙස නොබලා විවිධ සමාජතල සමග වැඩ කළ බවයි. කම්කරුවන් වෙනුවෙන් යුක්තිය ඉටු කිරීම සඳහා තමා ඇප කැපවී ක්‍රියා කළ බවත් ඔවුන්ගේ රැකියාව ගෞරවනීය තත්ත්වයකට ගෙන ඒමට ඔවුන් වෙනුවෙන් හඬක් නැගූ බවත් ඔහු කියයි.
ජූලි 2වැනිදා ඡන්දය භාවිත කිරීම සඳහා ඕස්ට්‍රේලියාවේ වෙසෙන ශ්‍රී ලාංකිකයන් උනන්දු කරන බවත් ඕස්ට්‍රේලියාවට හා සමාජයට හොඳ කුමක්ද ඒ සඳහා ප්‍රවේශමෙන් කටයුතු කරන ලෙසත් ඔහු පැවසීය. කම්කරු පක්ෂය රට හා පුරවැසියන් රැකගැනීම සඳහා සිය ප්‍රතිපත්ති හඳුන්වාදී ඇතැයිද ජගත් බණ්ඩාර කියයි.
