(එම්.සුසිල් ප්‍රියන්ත)

අපේ රටේ ගග මැද පිහිටා ඇති එකම විහාරස්ථානය වන බලපිටිය  මාදු ගග මැද පිහිටි කොත්දූව රජ මහා විහාරස්ථානයේ කඨින චීවර පූජා පිංකම අද (21) අලුයම් කාලයේදී  විහාරාධිපති කුඩාගල අභයරතන හිමියන්ගේ ප්‍රධානත්වයෙන් පැවැත්විණ.

කඨින චීවරය රැගත් පෙරහර අද (21) අලුයම් කාලයේදී කොත්දූව රජ මහා වෙහෙර වටා මාදු ගගේ ඔරු, පාරු හා බෝට්ටුවලින්  සංචාරය කිරීම සිදු කෙරිණි.

ගොක් කොළවලින් සරසා තිබූ කොත්දූව රජ මහා වෙහෙරට අයත් මෝටර් බෝට්ටුවකින් කඨින චීවරය  මාදු ගගේ සංචාරය කෙරුණු අතර එය විහාරාධිකාරී ඕමත්තේ පඥ්ඥාකිත්ති හිමියන් ධාවනය කිරීමද විශේෂත්වයකි.

කඨින චීවරය සඝ සතු කිරීම මාදු ගග මැද මෝටර් බෝට්ටුවක් තුළ ද මහා සංඝයා දානය සදහා වැඩම කරවිමද ඔරු,පාරු හා මෝටර් බෝට්ටු මගින් අද (21) දහවල් සිදු කෙරේ