තමන්ට විරුද්ධ වන මාධ්‍යකරුවන්ට දඩුවම් දෙන හැටි දන්නා බව විශේෂ කාර්ය බළකායේ සේනාවිධායක නියෝජ්‍ය පොලිස්පති රංජිත් පෙරේරාගේ ප්‍රකාශය සම්බන්ධයෙන් අවවාදාත්මක ලිපියක් නිනුක් කිරීමට ජාතික පොලිස් කොමිසම අද තීරණය කළේය.
රංජිත් පෙරේරා පොලිස් සේවයෙන් විශ්‍රම ගොස් කොන්ත්‍රාත් පදනම මත සේවය කරන අයකු හෙයින් ආයතන සංග්‍රහය යටතේ ක්‍රියා කිරීමට හැකියාව නැති බව පොලිස් කොමිසමේ ලේකම් ආරියදාස කුරේ මහතා පැවසීය.
ලබන අගෝස්තු නව වැනිදා නියෝජ්‍ය පොලිස්පති රංජිත් පෙරේරාගේ මාස හයක කොන්ත්‍රාත් සේවා කාලය අවසන් වෙයි.
