කඩුගන්නාව ඉලුක්වත්ත අලදූවක නාය යෑමෙන් නිවාස දෙකක සිටි හය දෙනකු සොයා සිදුකරන මෙහෙයුම්වලදී කාන්තාවකගේ හා දරුවකුගේ සිරුරු හමුවී ඇතැයි ආපදා කළමනාකරණ දෙපාර්තමේන්තුව පවසයි. 

අතුරුදන් වූවන් සොයා කඩුගන්නාව පොලිසිය හා හමුදාව තවදුරටත් මෙහෙයුම් සිදුකරති.

කඩුගන්නාවේ නායයෑමක් : හයක් අතුරුදන් 2016 @ 8:36

මහනුවර කඩුගන්නාව ඉලුක්වත්තේ නාය යෑමකින් පසු අතුරුදන් වූ බව කියන හය දෙනකු සෙවීමේ මෙහෙයුම් ආරම්භ වී ඇතැයි ආපදා කළමනාකරණ දෙපාර්තමේන්තුව කියයි.

සඳුදා (17) රාත්‍රි 12 ට පමණ නිවාස දෙකක් මතට පස් කන්දක් කඩා වැටී ඇති බවත් නිවාස දෙකේ සිටි පවුල් දෙකක මව්වරුන් දෙදෙනකු (48 හා 46) ද පුතුන් සිව්දෙනකු ද අතුරුදන්වූවන් අතර සිටින බව කියති. ඒ අතර එක් නිවසක සිටි වයස අවුරුදු 25 හා 15 තරුණයන්ද අනෙක් නිවසේ සිටි 16 හා 8 සිසුන් දෙදෙනාද අතුරුදන්ව සිටිති.

අතුරුදන් වූවන් සෙවීම සඳහා කඩුගන්නාව පොලිසියේ හා හමුදාවේ නිලධාරීහුද ප්‍රදේශවාසීහු ද එක්ව සිටිති.

ජායාරූප මොහොමඩ් අාසික්

ඡායාරූප - චමිල් රූපසිංහ

ඡායාරූප - සෙනරත් බණ්ඩාර

(වීඩියෝ - චමිල් රූපසිංහ)

(වීඩියෝ - සෙනරත් බණ්ඩාර)