ගිරිඋල්ල පස්යාල පාරේ කඳන්ගමුව පාසල අසල අනාරක්ෂිත දුරකතන කණු කිහිපයක් ඉවත් කරන ලෙස ඉල්ලමින් වයඹ සංවර්ධන හා සංස්කෘතික නියෝජ්‍ය ඇමැති පාලිත තෙවරප්පෙරුම මහතා සිය වාහනයේ බොනට්ටුව මත හිඳගෙන විරෝධතාවක් ඇරැඹූහ.
නියෝජ්‍ය ඇමැතිවරයා කටුපොත සිට බුදුපිළිමයක් වැඩම කරවාගෙන එමින් සිටිය දී මෙම දුරකතන කණු දැක තිබේ.
මීට මාස කිහිපයකට පෙර පාර පුළුල් කළ බවත්, පාර අයිනේ තිබූ දුරකතන කණු ඉන් පසු පාර මැද තිබුණත් ඒවා ඉවත් නොකළ බවත්, කණු පාර මැද තිබිය දී පාර කාපට් කළ බවත් ප්‍රදේශවාසීහු කියති.
මාර්ග සංවර්ධන අධිකාරිය, ටෙලිකොම් ඇතුළු අදාළ බලධාරීන් පැමිණ කණු ඉවත් කරන තුරු තමා ඉවත්ව නොයන බව නියෝජ්‍ය ඇමැති පවසයි.
