(ඉන්දිකා රාමනායක සහ දීපාල් ද සිල්වා)

අම්බලන්ගොඩ කන්දෙගොඩ ප‍්‍රදේශයේ දී   කසළ තේ කිලෝ 15,000 ක් සමඟ පුදගලයන් තිදෙනකු විශේෂ කාර්ය බළකාය විසින්  අද (16) අත්අඩංගුවට ගත් බව විශේෂ කාර්ය බළකාය කියයි.

කන්දෙගොඩ ප‍්‍රදේශයේ තේ කම්හලක් තුළ තිබී  කිලෝ 11,000 ක් ලොරියකින් ප‍්‍රවාහනය කරමින් තිබූ කිලෝ 4000 ක් වශයෙන් මෙම  කසළ තේ අත්අඩංගුවට ගත් බව  විශේෂ කාර්ය බළකාය කියයි.

අම්බලන්ගොඩ කන්දෙගොඩ ප‍්‍රදේශයේ  ගබඩාවක කසළ තේ  අපනයනය කරන බව  විශේෂ කාර්ය බළකායේ  සංවිධානාත්මක අපරාධ මර්දන ඒකකයේ ස්ථානාධිපති  ප‍්‍රධාන පොලිස් පරීක්ෂක නදීක සිල්වා මහතා ඇතුළු භට කණ්ඩායමක් විසින් මෙම වැටලීම සිදුකළහ.

ඡායාරූප හා වීඩියෝ - දිපාල් ද සිල්වා‍