යශාන් ද සිල්වාගේ නවතම මියුසික් වීඩියෝව වන %ජීවිතේ ඔබමයි^ ගීතය පසුගියදා එළිදැක්වුණා. වෙනස්ම ආකාරයේ ගීත පිළිබඳව යශාන් මෙසේ අදහස් දැක්වූවා.
"මම නිකුත් කරපු ගීත ගැන කිව්වොත් එය හිපොප් ගීතයක්. මේ දවස්වල යන සිංදුත් එක්ක එය වෙනස් ගීතයක්. ඒ විදිහේ ගීත අඩුයි. මේ ගීතය ලිව්වෙ මම. සංගීතය උදාර ප්‍රනාන්දුගෙ. ක්ලැරන්ස් විජේවර්ධන මහත්තයාගේ "රෑ තාරකාවෝ" ගීතය රීමේක් කළා. ඒ ගීතය සංගීතවත් කළෙත් ඔහුමයි. මගේ තවත් ජනප්‍රිය ගීතයක් තියෙනවා "රෑ තුන්යම" කියලා. ඒ ගීතයෙ සංගීතය නිර්මාණය සිදුකළෙත් ඔහුමයි. කොළඹ සහ පාසිකුඩාවල තමයි රූගත කිරීම් කළේ.*
"ගීතයේ අදහස නම් ආදරේ හොඳ පැත්ත කතා කරන එක. මේ දවස්වල තියෙන්නෙ අඬන, දුක ගැන කියවෙන ගීත. ඒ විරහ ගීත කියන්න මම කැමති නෑ. මුදල් ලැබෙනව තමයි. ඒත් මුදල් ලැබුණටම වැඩක් නෑ ගීතයේ නිර්මණාත්මක ගුණය ඉතිරිවෙලා නැත්නම්. ඒ නිසා මෙහිදී මම ආදරේ ධනාත්මක පැත්ත කතා කරනවා. දෙන්නෙක් ආදරයෙන් බැඳිලා ඒ දෙන්නා ආදරය වැඩි තැන ඉඳන් විවාහ වෙනවා. ඒ දේ තමයි මම මේ ගීතයෙන් කියන ආදරේ හොඳ පැත්ත."
