ගලගෙදර  හෝටලයක, ආපන ශාලාවක හා වෙළඳසලක කබැල්ලා මස් හා වල් ඌරු මස් අලෙවි කළ පිරිසකට දඩ නියම කිරීමට මහනුවර මහේස්ත්‍රාත් චානක කලංසුරිය මහතා අද (11) නියෝග කළේය.

හෝටල් කළමනාකරු ශාන් අනුරුද්ධ ගුණවර්ධනට රුපියල් 30000 ක දඩයක්ද, ඌරු මස් හා කබැල්ලෑ මස් අලෙවි කළ වෙළඳසල් හිමිකරු ක්‍රිෂාන්ත නිහාල් සිල්වාට රුපියල් 80000 ක දඩයක්ද, ආපන ශාලාවේ හිමිකරු නිමල් බණ්ඩාරට රුපියල් 30000 ක දඩයක්ද ගෙවන ලෙසත් වැටලීමේදී සොයාගත් අධි ශීතකරණ හා පිහි, පොරවා ඇතුළු භාණ්ඩ රාජසන්තක කරන ලෙසත් නියෝග කැරිණි.

වනජීවී සංරක්ෂණ දෙපාර්තුමේන්තුවේ රන්දෙණිගල හසලක අඩවි කාර්යාලයේ නිලධාරින් මෙම වැටලීම කර සැකකරුවන් අත්අඩංගුවට ගනු ලැබූහ.