මාවනැල්ල මෙනේරිගම ව්‍යාපාරික නිවසක් ඉදිරිපිට නවතා තිබූ ජීප් රථයකට පහර දීම සම්බන්ධයෙන් ආයෝජන ප්‍රවර්ධන අමාත්‍ය කබීර් ශෂිම් මහතාගේ සම්බන්ධිකරණ ලේකම්වරයකු බව කියන අසේල බණ්ඩාර හා පහරදීමට සම්බන්ධ තවත් පුද්ගලයකු යැයි කියන රෙජිනෝල්ඩ් ගමගේ රුපියල් දස දහස බැගින් වූ මුදල් ඇප සහ රුපියල් ලක්ෂ දෙක බැගින් ශරීර ඇප දෙකක් මත මුදා හරින ලෙස මාවනැල්ල වැඩබලන මහේස්ත්‍රාත් ශ්‍රියන්ත බණ්ඩාර දිවුල්ගම මහතා අද (15) නියෝග කළේය.
ඔවුන් අත්අඩංගුවට ගනු ලැබ අද අධිකරණයට ඉදිරිපත් කැරුණු අතර සෑම මසකම පළමුවන ඉරුදින සහ තුන්වන ඉරුදින පෙරවරු 10 ත් 12ත් අතර මාවනැල්ල පොලිසියේ පෙනී සිටින ලෙසත් නියෝග කැරිණි.
