මේ දිනවල පුංචි තිරයේ නිතර දකින ලැබෙන යොවුන් නිළියක ලෙස පබසරා මධුෂානි කාරියවසම් හට විශේෂිත තැනක් හිමිවේ. දැනට ස්වාධින රූපවාහිනි නාළිකාවේ විකාශය වන ටෙලි නාට්‍ය කිහිපයකම දකින ඇය මේ දිනවල කලා කටයුතුවලින් තාවකාලිව ඉවත්ව සිටියි. ඒ පිළිබඳව "සාරවිට" අපි පබසරාගෙන් විමසුවෙමු.
"පසුගිය කාලේ එක දිගටම වැඩ කළ නිසා කලා කටයුතුවලින් පුංචි විවේකයක් ගන්න හිතුවා. පසුගිය කාලේ වැඩ කරපු ටෙලි නාට්‍යය කිහිපයක්ම මේ දිනවල විකාශය වෙනවා. ඒ අතර, ස්වාධින රූපවාහිනී නාළිකාවේ විකාශය වන "භව චක්‍ර" ටෙලි නාට්‍යයේ "සුද්දි" කියන චරිතයත්, එම නාළිකාවේම විකාශය වන "අංගනා" ටෙලි නාට්‍යයේ "මංගලිකා" කියන චරිතයත්, "දුටු නොදුටු මල්" කියන ටෙලි නාට්‍යයේ "ටීෂා" කියන චරිතයත් බොහෝ පිරිසක් අතර ජනප්‍රියවෙලා තියෙනවා. ඊට අමතරව පසුගිය කාලේ වැඩ කරපු තවත් ටෙලි නාට්‍ය කිහිපයක්ම විකාශය වෙන්න නියමිත වෙලා තියෙනවා. මේ ටෙලි නාට්‍ය විකාශය වෙන නිසා මගේ තාවකාලික ඈත්වීම මගේ ආදරණීය රසික, රසිකාවියන්ට දැනෙන්නේ නැතිවේවි කියලා මම හිතනවා. කොහොම වුණත්, තවත් මාසේකින් විතර යළිත් කලා කටයුතුවලට සම්බන්ධ වෙලා වැඩකරන්න අදහස් කරමින් ඉන්නවා. දැනටමත් ටෙලි නාට්‍ය කිහිපයකටම ආරාධනා කරලා තියෙනවා සම්බන්ධ වෙන්න කියලා. කලා කටයුතුවලින් ඉවත්වෙලා විවේකයක් ගන්න හිතුවත්, පසුගිය ටිකේම රූපවාහිනි නාළිකා කිහිපයකම තිබුණ අවුරුදු වැඩසටහන් කිහිපයකටම සහභාගිවෙන්න මට සිදුවුණා.
බුද්ධික සේනාධීර / ඡායාරූප අන්‍රග්‍රහය - පබසරාගේ ෆේස් බුක් ගිණුම
