මේ ක්‍රිකට් ගැන මෙන්ම කලාව එක්වන කතාවකි. කතාව කියැවෙන්නේ ක්‍රිස් ජෝඩන්, කාලොස් බ්‍රැත්වෙයිට් හා රිහානා පිළිබඳවයි. ඔවුන් තිදෙනාම උපත ලබන්නේ 1988 වසරේදීය. ඒ බටහිර ඉන්දීය කොදෙව්වන්ට අයත් බාබඩොස්හිදීය. තිදෙනාම මූලික අධ්‍යාපනයට යොමුවෙන්නේ Combermere පාසලයි.

අද ක්‍රිස් ජෝඩන් එංගලන්ත ක්‍රිකට් කණ්ඩායම නියෝජනය කරයි. ඔහු එංගලන්තයේ පදිංචිය. රිහානා ලෝක ප්‍රකට ගායිකාවකි. කාලොස් බ්‍රැත්වෙයිට් ලෝක කුසලානයේදී ක්‍රිකට් ලොව මවිත කළ ක්‍රීඩකයායි. කොදෙව්වන් ලෝක කුසලානය දිනන්නේ එංගලන්ත කණ්ඩායම පරදමිනි. එම තරගයේදී එංගලන්ත කණ්ඩායම ක්‍රිස් ජෝඩන්ද නියෝජනය කළේය.

චානක චන්ද්‍රසේකර