කැලණිය සරසවි සිසුන්ට නවක වදය දුන්නැයි සැකපිට රිමාන්ඩ් බාරයේ සිටින සිසු සිසුවියන්ට ඇප ලබා දෙනවාද නැද්ද යන්න ගැන තීන්දුව ලබන 20 වැනි දා ලබා දෙන බව ගම්පහ මහාධිකරණ විනිසුරු ඛේමා ස්වර්ණාධිපති මහත්මිය අද ප්‍රකාශ කළාය.
ඇප ලබා දෙන ලෙස ඉල්ලමින් ගොනු කැරුණු ඇප අයදුම්පත් සලකා බලද්දී සිසුන්ට ඇප දීමට රජයේ නීතීඥවරයා විරුද්ධ විය.
සිසුන් වෙනුවෙන් පෙනී සිටි ජනාධිපති නීතීඥ ප්‍රසන්න ලාල් අල්විස් මහතා කීවේ මෙය නවක වද සිදුවීමක් නොව සිසු සිසුවියන්ගේ ඇඳුම් පැළඳුම් පිළිබඳව ඈඳුණු සිදුවීමක් බවයි.
