අභාවප්‍රාප්ත ප්‍රේමසිරි කේමදාස ශුරීන්ගේ ‘පිරිනිවන් මංගල්‍යය‘ බෞද්ධ කැන්ටාටාව අග්‍රාමාත්‍ය රනිල් වික්‍රමසිංහ මහතාගේ ප්‍රධනතත්වයෙන් කොළඹ නෙළුම් පොකුණ රගහලේදී 25 වැනිදා රාත්‍රී පැවැත්විණි.
කැන්ටාවක් යනු ඒකල සමූහ හා වාද්‍ය වෘන්ද සමග සංගීත උපකරණවලින් උස් පහත් හඬ මතුකරගනිමින් ඉදිරිපත් කැරෙන සංගීතමය කථා විස්තරයකි.
ආචාර්ය ප්‍රේමසිරි කේමදාස ශුරීන්ගේ දියණිය වන ගයත්‍රී කේමදාස මහත්මිය සහ ප්‍රවීණ සිනමා නිළි අනෝජා වීරසිංහ මහත්මිය පිරිනිවන් මංගල්‍යය බෞද්ධ කැන්ටාටාව ප්‍රති නිර්මාණයට දායක වූහ. ආචාර්ය ප්‍රේමසිරි කේමදාස ශුරීන්ගේ පිරිනිවන් මංගල්‍යය සංගීතමය වැඩසටහන ලෝකයේ පළමු බෞද්ධ කැන්ටාටාවයි.
