මහින්ද රාජපක්‍ෂ රජය සමයේ දකුණු කොරියාවේ සෝල් ග්රෑන්ඩ් පාර්ක් සත්ත්ව උද්‍යානයට පරිත්‍යාග කළ සුගලා සහ ගජබා යන අලි යුවළගේ පැටවාට හිටපු ජනාධිපති මහින්ද රාජපක්‍ෂ මහතාගේ ප‍්‍රදානත්වයෙන් “කොරි ලංකා“ යනුවෙන් නම තබා ඇත.
මේ දිනවල දකුණු කොරියාවේ සංචාරයක නිරතව සිටින මහින්ද රාජපක්‍ෂ මහතා ඇතුළු ඒකාබද්ධ විපක්‍ෂයේ මන්ත‍්‍රී කණ්ඩායම එම සත්වෝද්‍යානයේ සංචාරයක නිරත වූ අතර එහිදී මෙම නම් තැබීම සිදුකෙරිණි.
ඩලස් අලහප්පෙරුම, බන්දුල ගුණවර්ධන, ලොහාන් රත්වත්ත, පියල් නිශාන්ත, මහින්දානන්ද අලූත්ගමගේ, මහාචාර්ය ජී.එල් පීරිස් යන මහත්වරුන් ද එරට වැසියන් මෙන්ම එහි පදිංචි ශ්‍රී ලාංකිකයන් විශාල පිරිසක්ද මෙම අවස්ථාවට එක්ව සිටියහ.
