බණ්ඩාරවෙල කොලතැන්නේ මහපාර හා දුම්රිය මාර්ගය අතර 48 වැනි අනතුර අද (06) සිදු විය. පාරේ යන ලොරි හා බස් මීට පෙර දුම්රිය පාරේ ටික දුරක් ගමන් කර නැවතී අනතුරට පත් වූ අවස්ථා 47 ක්ම වාර්තා වී ඇතැයි පොලිසිය කියයි.

මහපාරේ පල්ලම නිසා පළමු ගියරයේ වාහන පදවන ලෙස පොලිසියෙන් රියදුරනට අවවාද පුවරුද සවි කර ඇත.

අද හපුතගේ උඩ පාරේ ගමන් කළ ලොරිය‍ තිරිංග අක්‍රීය වීම නිසා පාලනය කරගත නොහැකිව නවතා තිබූ ත්‍රීරෝද රියක හා කාරයක ද වැදී අනතුරට ලක් වී ඇත.

ලොරි රථයේ රියදුරු සුළු තුවාල ලබා ඇති අතර ජීවිත හානි කිසිවක් සුදුවී නැති බවත් මේ අනතුර හේතුවෙන් පැය තුනක පමණ කාලයක් දුම්රිය මාර්ගය හා මහා මාර්ගය අවහිර වී තිබූ බව බණ්ඩාරවෙල පොලිසිය කියයි.

ඡායාරූප - පාලිත ආරියවංශ