හොර ඔප්පුවක් ලියා කොල්ලුපිටියේ අල්විස් පෙදෙසේ රුපියල් කෝටි 75ක මන්දිරයක හිමිකාරිය පන්නා දැමීමට කටයුතු කළැයි කියන පිරිසේ තුන් වැනි සැකකරුගේ නිවසේ තිබී ගිනි අවි තුනක් හා උණ්ඩ සොයා ගත් බව රහස් පොලිසිය අද අධිකරණයට දැන්වීය.
ගිනි අවි ළඟ තබා ගැනීම සම්බන්ධයෙන් තුන් වැනි සැකකරුට එරෙහිව වෙනම බී වාර්තාවක් ඉදිරිපත් කරන ලෙස මහේස්ත්‍රාත් නියෝග කළේය.
ඉඩමේ හිමිකරු වූ ලාංකිකයා මිය ගිය පසු ඔහුගේ බිරිය වන ඉන්දියා ජාතික කාන්තාවට ඉඩමේ හිමිකාරිත්වය නොයන පරිදි හොර ඔප්පු ලියා ඇතැයි රහස් පොලිසිය අධිකරණයට දැන්වීය.
සිද්ධියේ එක් සැකකරුවකු රිමාන්ඩ් බාරයේ සිටින අතර සෙසු සැකරකුවෝ ඇප මත සිටිති.
