අතමිට ඇති අය පොලිසියට ගෙනවුත් බොරු නඩු පටලවා ඔවුන්ගෙන් මුදල් ගත් බව කියන කොහුවල පොලිසියේ තිදෙනෙකුගෙන් සම්බන්ධ පරික්ෂණ පොලිස් විශේෂ විමර්ශන ඒකකයේ අරඹා ඇත.
සිද්ධිය ගැන පරික්ෂණ පැවැත්වු කොහුවල පොලිස් ස්ථානාධිපතිගෙන් ද හා ගල්කිස්ස සහකාර පොලිස් අධිකාරින්ගෙන් ද කරුණූ විමසා ඇත.
මහරගම ව්‍යාපාරිකයකු පොලිස්පතිට කළ පැමිණිල්ලක් අනුව විශේෂ විමර්ෂණ ඒකකයේ අධ්‍යක්ෂ මෙවන් ද සිල්වා මහතා පරික්ෂණ පවත්වයි.
සාදයකට ගොස් එද්දී නිදිමත නිසා පාර අයිනේ තම රිය නවත්වා නිදා ගනිද්දී තමා බීමත් සිටි බව පවසමින් පොලිසියට රැගෙන ගොස් පොලිසියේ තිබු වාහනයක් ගෙන්වා ඔහුගේ රිය එම වාහනයේ හැපුණු බවට නඩු නොපවරා සිටිමට නම් රුපියල් 15000ක් ඉල්ලා මහරගම ව්‍යාපාරිකයකු පොලිසියට කළ පැමිණිල්ලේ දැක්වේ.
සිද්ධිය සම්බන්ධයෙන් දැනටම පොලිස් කොස්තාපල්වරයෙක් නුගේගොඩ අතිරේක මහේස්ත්‍රාත් අනුෂ්ක සෙනෙවිරත්න මහතා විසින් ඇප මත මුදා හරිනු ලැබ සිටියි.
