මාධ්‍යවේදීන්ට යතුරු පැදි ලබාගැනීමට ණයක් ලබාදීම සඳහා අද පැවැති ආරම්භක උත්සවය පෙරවරු 8.45ට ආරම්භ කිරීමට නියමිතව තිබුණද ජනමාධ්‍ය ඇමැති ගයන්ත කරුණාතිලක පෙරවරු 10.45ටද මුදල් ඇමැති රවී කරුණානායක 11.20ට පමණ එහි අවුත් උත්සව සභාව ආරම්භ කළහ.
ඡායාරූප - ගයාන් අමරසේකර
ගයන්ත චන්ද්‍රිකාගේ චරිතය රඟපායි : පෙ.ව.10.31
මාධ්‍යවේදීන් සඳහා යතුරු පැදි ලබාගැනීමට ණයක් ලබාදීම නිමිත්තෙන් එහි ආරම්භක උත්සවය ජනමාධ්‍ය අමාත්‍යංශයේ සංවිධානයෙන් අද (12) පෙරවරුවේ කොළඹ 7 ශ්‍රී ලංකා රූපවාහිනී අභ්‍යාස ආයතනයේදී පැවැත්වීමට නියමිතව තිබුණත් මේ මොහොත වනතුරුත් ප්‍රධාන ආරාධිතයන් කිසිවකු එහි පැමිණ නැතැයි මාධ්‍යවේදීහු චෝදනා කරති.
යතුරුපැදි ලබාගැනීමට පැමිණි පිරිසට දන්වා තිබුණේ අද පෙරවරු 9 ට එහි පැමිණ සිටින ලෙසයි. උත්සවය පෙරවරු 9.30ට ආරම්භ වන බව දන්වා තිබිණි. එහෙත් උත්සවය ආවරණය කරන මාධ්‍යවේදීන්හට කියා ඇත්තේ පෙරවරු 8.45ට පමණ පැමිණෙන ලෙසයි. ජනමාධ්‍ය ඇමැති ගයන්ත කරුණාතිලක මහතාගේ හා මුදල් ඇමැති රවී කරුණානායක ගේ ප්‍රධානත්වයෙන් එය ආරම්භ කිරීමට නියමිත වුවත් පැය දෙකකට ආසන්න කාලයක් එහි රැඳී සිටින පිරිස ඇමැතිවරු ඇතුළු ආරාධිත පිරිස් බලාපොරොත්තුවෙන් සිටිති.
එම අවස්ථාව ආවරණය කිරීමට පැමිණි මාධ්‍යවේදීහුද පැය ගණනක සිට එහි බලා සිටිති.
චන්ද්‍රිකා කුමාරතුංග හිටපු ජනපතිනියද වෙලාවට වැඩ නොකළ කෙනකු බව එහි රස්තියාදු වෙමින් සිටි මාධ්‍යවේදියෝ කීහ.
ඡායාරූප - ගයාන් අමරසේකර
ඡායාරූප - ජනත් ද සිල්වා
විඩියෝ - ගයාන් අමරසේකර
