පාර්ලිමේන්තුවේ ගුටි කෙළියට මැදිවූ නියෝජ්‍ය ඇමැති පාලිත තෙවරප්පෙරුම (එජාප) හා ඒකාබද්ධ විපක්ෂයේ ප්‍රසන්න රණවීරට සතිය බැගින් පාර්ලිමේන්තුව තහනම් කිරීමේ යෝජනාව පාර්ලිමේන්තුවේදී අද (5) උදේ සම්මත විය.

ඒ අනුව හෙට සිට සතියකට ඔවුන්ට පාර්ලිමේන්තුව තහනම් වෙයි. අදත් ඔවුහු මැතිසබයට පැමිණ නොසිටියහ.

එම මන්ත්‍රීන් දෙදෙනාගේ ක්‍රියා කලාපය කථානායක දැඩි ලෙස දෝෂ දර්ශනයට ලක් කළේය.

මෙම පරීක්ෂණයට භාජනය වූ  ගුටි කෙළියට සම්බන්ධ වීඩියෝපට හා තොරතුරුවලින් ලබාගත් තොරතුරු හා සාක්කි මහජනයාට දැනගැනීමට ප්‍රසිද්ධ කරන්නැයි ජවිපෙ නායක අනුර කුමාර දිසානායක මහතා කථානායකවරයාගෙන් ඉල්ලීමක් කළේය. ඒ පිළිබඳව පක්ෂ නායකයන් සමග සාකච්ඡා කර අද දහවල් තීරණයක් ලබාදෙන බව කථානායක පැවසීය.

මන්ත්‍රීන් දෙදෙනාට පැනවූ තහනම අනුව සිකුරාදා පාර්ලිමේන්තු රැස්වීමට ඔවුනට සහභාගී විය නොහැකි අතර එදිනට පසු මැයි මාසයේ පාර්ලිමේන්තුව රැස්වනවාද යන්න දැනගත හැක්කේ සිකුරාදාටය. මේ මස යළි පාර්ලිමේන්තුව රැස් නොවුවහොත් එම තහනම සිකුරාදා රැස්වීමට පමණක් සීමා විය හැකි බව පාර්ලිමේන්තු ආරංචි කියයි.

කථානායක ගැටුමට මැදිවූ මන්ත්‍රීන්ට කථානායක දොස් පවරයි (හඬ පටය)

පරීක්ෂණයට භාජනය වූ සාක්කි අනුර කුමාර ඉල්ලයි

 (හඬ පටය)