(ඩයනා උදයංගනී)
රජයේ නව බදු ප්‍රතිපත්තියට විරෝධය පා වරාය, තෙල්, විදුලි, බැංකු ඇතුළු ක්ෂේත්‍ර රැසක කාර්ය මණ්ඩල අද (01) ලෙඩ නිවාඩු වාර්තා කර විරෝධතා සහ වෘත්තීය සමිති ක්‍රියාමාර්ගවල නිරත වෙති.
වෘත්තීය සමිති 40ක පමණ නියෝජිතයින් මෙම ක්‍රියාමාර්ග සඳහා එක්වී සිටින බව වාර්තා වේ.
ජල, බැංකු, දුම්රිය, විශ්වවිද්‍යාල, ටෙලිකොම් ඇතුළු ක්ෂේත්‍රවල වෘත්තීය සමිති ද මෙම විරෝධතා ක්‍රියාමාර්ග හා එක්ව සිටිති.
වෛද්‍ය, ගුරු, විදුහල්පති සහ තැපැල් සේවකයින් අද වෘත්තීය සමිති ක්‍රියාමාර්ගයට සහාය පළකරමින් විරෝධතාවල නිරත වූවත් වැඩවර්ජනයක නිරත නොවන අතර, ඔවුන් කළු පැහැයෙන් සැරසී රාජකාරියට වාර්තා කිරීම, දිවා ආහාර විවේකයේ දී විරෝධතාවල නිරතවීම ආදී ක්‍රියාමාර්ගවල නිරතවන බව ප්‍රකාශයට පත්කර ඇත.
ඒ අනුව අද බොහෝ ආයතනවල පිරිස් රාජකාරියට පැමිණ තිබුණේ කළු පැහැයෙන් සැරසෙමිනි.
රජයේ වෛද්‍ය නිලධාරින්ගේ සංගමය අද විරෝධතාවක් පමණක් සිදුකරන බව එහි මාධ්‍ය ප්‍රකාශක වෛද්‍ය චමිල් විජේසිංහ මහතා පැවසීය.
දුම්රිය වෘත්තීය සමිති ද අද මෙම වෘත්තීය සමිති ක්‍රියාමාර්ගයට සිය සහයෝගය දක්වා ඇත.
(ඡායාරූප: කාංචන කුමාර ආරියදාස)
ගම්පහ
(ඡායාරූප: තිලකරත්න දිසානායක)
එප්පාවල
(ඡායාරූප: තිසර සමල්)
බදුල්ල
(ඡායාරූප: පාලිත ආරියවංශ)
ගාල්ල
(ඡායාරූප: ඩී.ජී.සුගතපාල)
නිකවැරටිය මූලික රෝහල ( ප්‍රියානි මංගලිකා )
මැදිරිගිරිය -චාපා මධුභාෂිණි
මාතර - ක්‍රිෂාන් ජීවක ජයරුක්
ඡායාරූප-ගයාන් අමරසේකර
මධ්‍යම තැපැල් හුවමාරුව (ඡායාරූප: ශාන්ත රත්නායක)
ටෙලිකොම්
