යාපනය චාවකච්චේරි ප්‍රදේශයෙන් හමුවූ මරාගෙන මැරෙන බෝම්බ ඇදුම් කට්ටලයේ ප්‍රධාන සැකකරු සමගින් සබදතා පැවැත්වූ බව කියන සැකකරුවන් 11දෙනෙකු පොලිස් ත්‍රස්ත විමර්ශන ඒකකය මගින් අත්අඩංගුවට ගෙන තිබේ.
බෝම්බ ඇදුම් කට්ටලයේ ප්‍රධාන සැකකරු වන එඩ්වඩ් ජුලියට් පුනරුත්තාපනය නොවූ හිටපු කොටි සාමාජිකයා හා දුරකතන මාර්ගයෙන් සමීප සබදතා පැවැත්වීම මත මෙම සැක්කරුවන් ප්‍රශ්න කිරීමට අත්අඩංගුවට ගෙන ඇත.
තවත් සැකකරුවන් දෙදෙනෙකු සොයා ත්‍රස්ත විමර්ශන ඒක්කය මේ වනවිටත් මෙහෙයුම් අරඹා තිබේ.
මේ අතර මෙම බෝම්බ ඇදුම් කට්ටලය හා පුපුරනද්‍රව්‍ය ගෙන ඒම සම්බන්ධයෙන් වෑන් රථ දෙකක් ඇතුළු වාහන අටක්ද පොලිස් භාරයට ගෙන ඇත.
