හිටපු ජනපති මහින්ද රාජපක්ෂ හා තවත් තිදෙනකු 2015 ජනපතිවරණ සමයේ ලංගම බස් පාවිච්චි කිරීමෙන් නොගෙවා පැහැර හළ බව කියන රුපියල් ලක්ෂ 1420ක් අයකර ගැනීම සඳහා වන නඩුවේ චෝදනා පත්‍රය යළි සංශෝධනය කිරීමට කොළඹ වාණිජ මහාධිකරණ විනිසුරු ශිරාන් ගුණරත්න මහතා ලංගමයට අවසර දුන්නේය.
මහින්ද රාජපක්ෂ, සුසිල් ප්‍රේමජයන්ත, අනුර ප්‍රියදර්ශන යාපා හා ගාමිණී සෙනරත් මෙම නඩුවෙන් චෝදනා ලබා සිටිති.
ලංගමය පවසනුයේ ගිය වසරේ පැවැති ජනපතිවරණය සඳහා වූ රැස්වීම් වෙනුවෙන් ලබාගත් බස් වෙනුවෙන් ඔවුන් ගෙවීම් පැහැර හැර ඇති බවයි.
