බි‍්‍රතාන්‍යයේ පැවැත්වෙන දූෂණ විරෝධී අන්තර්ජාතික සමුළුවට සහභාගී වීමට බදාදා (11) දිවයිනෙන් පිටත්ව ගිය මෛත‍්‍රීපාල සිරිසේන ජනපති ඇතුළු දූත පිරිස බි‍්‍රතාන්‍යයේ හීත්රෝ ගුවන්තොටුපළේදී බි‍්‍රතාන්‍ය මහ රැජිනගේ විශේෂ නියෝජිතවරයෙක් වන නියෝජ්‍ය ලූතිනන් බෲස් හෝල්ඩර් සහ විදේශ හා පොදු රාජ්‍ය මණ්ඩලීය කටයුතු පිළිබඳ රාජ්‍ය අමාත්‍යාංශයේ විශේෂ නියෝජිත කැත්රින් කොල්වින් ඇතුළු පිරිසක් විසින් මහත් හරසරින් පිළිගනු ලැබූහ.
ශ්රී ලංකාවේ වැඩබලන බි‍්‍රතාන්‍ය මහකොමසාරිස් සුගීෂ්වර ගුණරත්න මහතා ඇතුළු මහ කොමසාරිස් කාර්යාලයේ නියෝජිතයන් පිරිසක් ද ජනාධිපතිතුමා පිළිගැනීමට එක්ව සිටියහ.
අද (12) ශ්රී ලංකාවේ වේලාවෙන් පස්වරු 02.30 ට පමණ ලන්ඩන් නුවර ලැන්කාටර් හවුස් හි දී බි‍්‍රතාන්‍ය අගමැති ඩේවිඩ් කැමරන් ගේ ප‍්‍රධානත්වයෙන් පැවැත්වෙන දූෂණ විරෝධී අන්තර්ජාතික සමුළුව ආරම්භ කෙරෙන අතර ජනපති එහිදී සමුළුව ඇමතීමට ද නියමිතය.
මෙම සමුළුවේදී අල්ලස, දූෂණය සහ අක‍්‍රමිකතා වැළැක්වීමට නව රජය ගෙන ඇති පියවර පිළිබඳව ජනාධිපති මෛත‍්‍රීපාල සිරිසේන මහතා ලෝක නායකයින් දැනුවත් කිරීමට නියමිතය.
