අගමැති රනිල් වික්‍රමසිංහ මහතා දැනට භාවිතා කරන වාහන වසර 10ක් පමණ පැරණි නිසා හා එහ වාහන නඩත්තුව සඳහා මසකට රුපියල් ලක්ෂ 5කට වඩා වැයවන බවත් විදුලි සංදේශ හා ඩිජිටල් යටිතල පහසුකම් ඇමැති හරීන් ප්‍රනාන්දු මහතා අද (11) සිරිකොත පක්ෂ මූලස්ථානයේ පැවැති මාධ්‍ය හමුවකදී පැවසීය.
අගමැති ආරක්ෂක අංශය රුපියල් මිලියන 128ක් වටිනා වාහන දෙකක් ඇනවුම් කර ඇති බවත් ඉතිරි මිලියන 444ම බදු මුදල් බවත් අගමැතිවරයාත් වාහනයක් ගන්න විට ආණ්ඩුවටම බදු ගෙවන බවත් ඇමැතිවරයා කීවේය.
හරිහැටි කරුණු කාරණා සොයා බලන්නේ නැතිව ජනතා විමුක්ති පෙරමුණේ නායක අනුර කුමාර දිසානායක මහතා චෝදනා කරන බවත් ඒ ගැන කනගාටුව පළකරන බවත් ඔහු පැවසීය.
