මේජර් ජනරාල් ජානක පෙරේරා ඉල්ලක කරගෙන අනුරාධපුරෙයේදී මරාගෙන මැරෙන බෝම්බ ප‍්‍රාහාරය එල්ල වූ අවස්ථාවේ රූපවාහිනී මාධ්‍යවේදියකු සතුව තිබු වීඩියෝ කැමරාවේ පටිගතව ඇති බෝම්බය පුපුරා යන වීඩියෝ අඟහරුවාදා (29) අනුරාධපුර මහාධිකරණයේ දී ප්රදර්ශනය කිරීමට නියමිතය.
අනුරාධපුර විශේෂ මහාධිකරණ විනිසුරු ඛේමා ස්වර්ණාධිපති මහත්මිය රහස් පොලිසියේ ප‍්‍රධාන පොලිස් පරික්ෂක මෙරිල් රංජන් ළමාහේවා මහතාට මීට පෙර ලබා දුන් නියෝගයකට අනුව එම දර්ශන ප්රදර්ශනය කෙරේ.
ප්‍රහාරයෙන් මියගිය අනුරාධපුර මාධ්‍යවේදී රස්මි මහරුෆ් මහතාගේ වීඩියෝ කැමරාවේ පටිගතව ඇති දර්ශන පටයේ මුල් පිටපත අධිකරණ නියෝගයක් මත දැනට රහස් පොලිසිය බාරයේ ඇත.
මෙම අපරාධය සිදු කළ බවට අධිකරණය හමුවේ වරද පිළිගත් දෙවැනි විත්තිකාර කොටි සංවිධානයේ හිටපු කර්නල්වරයෙකු වන සම්මුගනාදන් සුදාහරන් ට අනුරාධපුර මහාධිකරණය විසින් මීට පෙර විසි වසරක බරපතල වැඩ සහිත සිර දඩුවමක් නියම කැරිණි.
පළමු විත්තිකාර උමාර් හබිතාබ් ඔහුට එරෙහිව මහාධිකරණය හමුවේ ඇති අධි චෝදනා 48 ටම නිවැරදිකරු බව පැවසීම නඩුව තවදුරටත් විභාග කෙරෙයි.
