කැලණි ගං මිටියාවතේ කොළොන්නාව, වැල්ලම්පිටියේද, කඩුවෙල ඇතැම් ප්‍රදේශවලද ගංවතුර බැස ගිය තැන් තැන්හි ගෙවල් දොරවල් සුද්ධ පවිත්‍ර කිරීම අද ඇරැඹිණි.
ජනතා විමුක්ති පෙරමුණ කඩුවෙල සුද්ධ පවිත්‍ර කිරීම් කරගෙන යයි. කොළොන්නාව, අංගොඩ නිවැසියෝ ඔවුන්ගේ ගෙවල් පිරිපහදු කරගත්හ.
මේ අතර කොළඹ ප්‍රදේශ රැසකට බලපෑ ගංවතුර අඩුවෙමින් පවතින බැවින් ජනතාව දැන් යළි නිවාස කරා යමින් සිටින බව කොළඹ කඩුවෙල හා කොළොන්නාව ආපදා කළමනාකරණ සම්බන්ධීකාරක සුසිල් ප්‍රේමජයන්ත මහතා පැවසීය.
තම නිවාසවල පදිංචියට යන ජනතාවට නිවාස පිරිසිදු කරදීමේ වැඩපිළිවෙළක් රජය විසින් ආරම්භ කර ඇතැයිද ඒ සඳහා සිවිල් ආරක්ෂක දෙපාර්තමේන්තුවේ 650 දෙනෙක් යොදවා ඇතැයිද ඇමැතිවරයා සඳහන් කළේය.
ඡායාරූප - ලහිරු හර්ෂණ
ඡායාරූප - බිමල් ශ්‍යාමන් ජයසිංහ
