මාංශ පේශී නිසි පරිදි නොවැඩීම හේතුවෙන් රෝගීව ආබාධිත දෙපා සහතිව සිටින මාතර තෙලිජ්ජවිල කසුන් චාමර සිසුවා අද (4) ශ්‍රී ජයවර්ධනපුර විශ්ව විද්‍යාලයේ කළමනාකරණ අධ්‍යයන හා වාණිජ පීඨයේ වාණිජවේදී විශේෂ උපාධිය ලබාගත්තේය.
කුලපති මහාචාර්ය බෙල්ලන්විල විමලරත්න හිමියන් අතින් ඔහු අද බණ්ඩාරනායක අනුස්මරණ ශාලාවේදී ලබාගත්තේය.
මාතර දම්පැල්ල කනිටු විදුහලෙන් හා මාතර රාහුල විදුහලෙන් ඔහු අධ්‍යාපනය ලබා ඇත.
විශ්ව විද්‍යාලයට ගිය කාලයේ ඔහුගේ මව ඔහු වඩාගෙන දිනපතා පැමිණීම විශේෂ සිදුවීමක් විය. උපාධිය ලැබූ කසුන් බැංකු ක්ෂේත්‍රයේ රැකියාවක් කිරීමට කැමැත්තෙන් පසුවන බව පවසයි.
