ඇමෙරිකන් හිටපු ජනාධිපති මෙන්ම, එලැඹෙන නොවැම්බර් 5 වැනිදා පැවැත්වෙන ජනාධිපතිවරණයේ රිපබ්ලිකන් පාක්ෂික ජනාධිපති ධුර අපේක්ෂකයා ද වන ඩොනල්ඩ් ට්‍රම්ප්, පැය කීපයකට පෙන්සිල්වේනියා ජනපදයේ මැක්ඩොනල්ඩ්ස් අවන්හලක සේවයට ගියේය.
ට්‍රම්ප් මැක්ඩොනල්ඩ්ස් අවන්හලේ මුළුතැන්ගෙට ගොස් අල පෙති බදිමින්, මස් පිසිමින්, බර්ගර් සකස් කළේ, අවන්හලේ සේවක සේවිකාවන් සමඟ විනෝද වෙමිනි. මාධ්‍යවේදීන් පිරිසක් අවන්හලට පැමිණ සිටි අතර, ඔවුන්ට සංග්‍රහ කළේ ද ට්‍රම්ප්ය.
ට්‍රම්ප්, මැක්ඩොනල්ඩ්ස් අවන්හලේ සේවයට ගියේ, ජනාධිපතිවරණයේ දී ප්‍රතිවාදී ඩිමොක්‍රටික් අපේක්ෂිකා කමලා හැරිස් විවේචනය කරමිනි. පසුගිය දා දේශපාලන වේදිකාවේදී කමලා හැරිස් පවසා තිබුණේ තමන් උසස් පාසල් සිසුවික වී සිටිද්දී, අධ්‍යාපන කටයුතු අවසන් වී මැක්ඩොනල්ඩ්ස් අවන්හල අර්ධ කාලීනව රැකියාව කළ බවත්, වැඩ කරන ඇමෙරිකානුවන්ට තමන් වඩා සමීප බවත්ය.
ට්‍රම්ප්, මැක්ඩොනල්ඩ්ස් අවසන්හලේ වැඩට ගියේ, කමලා හැරිස්ගේ ප්‍රකාශය බොරුවක් බවත්, තමන් දන්නා පරිදි කමලා හැරිස් කිසිම මැක්ඩොනල්ඩ්ස් අවන්හලක සේවය කර නොමැති බවත් අවධාරණය කරමිණි.
