රගර් ක්‍රීඩක වසීම් තාජුඩීන්ගේ ඝාතනය සම්බන්ධයෙන් රහස් පොලිසිය රථවාහන නියෝජ්‍ය පොලිස්පති අමරසිරි සේනාරත්නගෙන් ප්‍රශ්න කිරීම අද උදේ ඇරැඹූ බව පොලිස් ආරංචි කියයි.
සේනාරත්න මහතාගෙන් ප්‍රශ්න කරනුයේ ඔහු තාජුදීන් ඝාතනයේ සැකකරුවකු ලෙස නොව රථවාහන අනතුරකදී ගත යුතු ක්‍රියාමාර්ග මොනවාද යන්නත්, තාජුදින් සිද්ධියේදී එම පියවර ගෙන තිබේද යන්න සොයා බැලීම සඳහා බව දැනගන්නට ඇත.
තාජුදීන් සිද්ධිය රිය අනතුරක් සේ සලකා පරීක්ෂණ ලිපිගොනුව බහා තැබීමට උපදෙස් දී ඇත්ද, එසේ උපදෙස් දුන්නේ කවුරුන්ද යන්න ද එම පරීක්ෂණයේ දී සොයා ගැනීමට හැකිවෙතියි කියති.
මොහුගෙන් ප්‍රශ්න කිරීමෙන් අනතුරුව පොලිසියේ තවත් උසස් නිලධාරීන් කිහිප දෙනකුගෙන් ද, දේශපාලනඥයකුගෙන් ද ප්‍රශ්න කිරීමට නියමිතය.
