සුනාමියෙන් විනාශ වූ නිවාස ඉදි කිරීමට යැයි කියමින් රුපියල් මිලියන 167ක් රාඩා ආයතනය මගින් සාවධ්‍ය පරිගහරණය කළැයි කොළඹ මහේස්ත්‍රාත් අධිකරණයේ විභාග වන නඩුවක සැකකරුවකු වන ටිරාල් අලස් මහතාට වෛද්‍ය ප්‍රතිකාර සඳහා විදෙස් ගත වීමට කොළඹ මහාධිකරණ විනිසුරු ඒ ඒ ආර් හෙයියන්තුඩුව මහතා අද අවසර ලබා දුන්නේය.
වෛද්‍ය ප්‍රතිකාර සඳහා සිංගප්පූරුව බලා යෑමට අලස් මහතා මීට පෙර කොටුව මහේස්ත්‍රාත් අධිකරණයෙන් අවසර ඉල්ලා තිබුණත් එය ප්‍රතික්ෂේප විය.
ඉන් පසු ඔහු ප්‍රතිශෝධන අයදුම්පතක් මහාධිකරණයට යොමු කළේය.
කොළඹ ප්‍රධාන අධිකරණ වෛද්‍ය නිලධාරී අජිත් තෙන්නකෝන් මහතා අලස් මහතා ගැන දුන් වෛද්‍ය වාර්තාව සලකා බැලීමෙන් පසු සහ අලස් මහතා වෙනුවෙන් ඉදිරිපත් වූ කරුණු සලකා බැලීමෙන් පසු මාස තුනක කාලයක් ඇතුළත සති තුනක් ප්‍රතිකාර සඳහා විදෙස් ගත වීමට මහාධිකරණ විනිසුරු හෙයියන්තුඩුව මහතා අවසර ලබා දුන්නේය.
රුපියල් ලක්ෂයක මුදල් හා රුපියල් පන් ලක්ෂයක ශරීර අප අමතර ඇප වශයෙන් තැම්පත් කරන ලෙස ද විනිසුරුවරයා නියෝග කළේය.
