(කාංචන කුමාර ආරියදාස)

දඹුල්ල නගරයේ ඉවතලන කුණු කසලවලින් කාබනික පොහොර නිෂ්පාදනය කරන ආකාරකාරය පිළිබඳව සොයා බැලීම සඳහා පැමිණි ඉන්දියාවේ සහ ඩුබායිහි ව්‍යාපාරිකයෝ පිරිසක් දඹුල්ලට පැමිණියහ.

දඹුල්ල මහ නගර සභාව මගින් වසර කිහිපයක සිට පවත්වාගෙන යන කාබනික පොහොර ව්‍යාපෘතිය සහ ඉදිකිරීමට යෝජිත සංචාරක මධ්‍යස්ථානය නිරීක්ෂණය කිරීම මෙන්ම ඉන්දියානු සමාගමක් සහ ඩුබායි සමාගමක් එක්ව අක්කර පහක පමණ නියාමන ව්‍යාපෘතියක් ලෙස දඹුල්ලේ ආරම්භ කළ පැන්ඩා උණ වගාව නිරීක්ෂණය කිරීම ද සිදු විය.

ඉන්දියාවේ හයිද්‍රාබාද් පදිංචි ප්‍රකට ව්‍යාපාරිකයකු වූ රාම් සුබ්‍රමනියම් (rama Subramanian) , මෙන්ම ඩුබායි හි ව්‍යාපාරිකයන් දෙදෙනකු වන අහමඩ් අල් අලී( ahmed al ali) සහ මොහොමඩ් ජබර් (mohmed jabar) මෙසේ පැමිණ සිටිති.

ලංකාවේ අක්කර 2000 උණ වගා කිරීම සඳහා ඔවුන් සැලසුම් සකස් කොට ඇතැයි සඳහන් කර සිටිති.

පසුව මෙම කණ්ඩායම දඹුල්ල උයන් වත්ත පුරාණ රජමහා විහාරස්ථානයේ පිහිටිටා ඇති ශ්‍රී ජිනරතන ළමා නිවාසයේ සිටින කුඩා දරුවන් සඳහා පාසල් උපකරණ ලබාදීම මෙන්ම උයන්වත්ත පුරාණ රජමහා විහාරස්ථානයේ පවත්වාගෙන යන සාමණේර භික්ෂු පුහුණු ආයතනයට මූල්‍ය පරිත්‍යාග කිරීම සිදු කෙරිණි.

මෙහිදී ඩුබායි ජාතික ව්‍යාපාරිකයන් රංගිරි දඹුලු රජමහ විහාරස්ථ උයන්වත්ත පුරාණ රජමහා විහාරාධිපති හල්මිල්ල වැවේ පෙමරතන හිමියන් ගෙන් පිරිත් සජ්ඣායනා කොට පිරිත් නූල් බැඳ ගැනීම විශේෂත්වයක් විය .