අනවසර අලි පැටියකු ළඟ තබාගත් බව කියන කොළඹ අලුත්කඩේ අතිරේක මහේස්ත්‍රාත් තිළිණ ගමගේ ගේ ක්‍රියා කලාපය ගැන දූෂණ විරෝධී පෙරමුණ, පරිසර සංවිධාන එකමුතුව, තරුණ නීතිඥ සංගමය හා යහපාලනය සඳහාවූ නීතිඥයෝ කේ.ශ්‍රීපවන් අගවිනිසුරුට කරුණු හතක් ගැන සංදේශයක් ඉදිරිපත් කර ඇත.
තිළිණ ගමගේ පොලිසිය මගහැර සිටීම, රහසිගත ලෙස අධිකරණයට පැමිණීම, අධිකරණ පටිපාටියෙන් පරිබාහිරව නඩු විභාගය පැවැත්වීම, ඇප කොන්දේසි සපිරීමට පෙර අධිකරණ භූමියෙන් පිටවීම හා පිළිගත් අධිකරණ කාර්ය පටිපාටියට හා ක්‍රමවේදයට පරිබාහිරව චෝදනා ලැබූවනට අසමාන ලෙස සැලකීම යන කරුණුවලින් අධිකරණය කෙරෙහි මහජනයා අතර විශ්වාසය බිඳ වැටීම සිදුවන බව එම සංගම් කියයි.
මේ අතර මේ සිද්ධිය සම්බන්ධයෙන් තරුණ නීතිඥ සංගමය ගංගොඩවිල මහේස්ත්‍රාත්ගේ ක්‍රියා කලාපය සම්බන්ධයෙන් අධිකරණ සේවා කොමිසමේ ලේකම්ටද පැමිණිල්ලක් ඉදිරිපත් කර ඇත.
